कारापूर सर्वणचे नागरीक करतले दिल्लींत आंदोलन
पणजीः कारापूर , सर्वणा येवपी बांदकाम प्रकल्पा आड थळावे लोक आंदोलन करतात. ह्या आंदोलनाक शंबर दीस पुराय जावपाचे आसात. ह्या निमतान हांगाचे कांय आंदोलक 13 जुलयाक दिल्लींतल्या जंतर मंतर हांगां आंदोलन करतले, निदर्शकांक तेंको दिवपा खातीर 13 जुलयाक आझाद मैदानाचेरय आंदोलन करतले अशें स्वप्नील शेर्लेकार हांणी
पणजीः कारापूर , सर्वणा येवपी बांदकाम प्रकल्पा आड थळावे लोक आंदोलन करतात. ह्या आंदोलनाक शंबर दीस पुराय जावपाचे आसात. ह्या निमतान हांगाचे कांय आंदोलक 13 जुलयाक दिल्लींतल्या जंतर मंतर हांगां आंदोलन करतले, निदर्शकांक तेंको दिवपा खातीर 13 जुलयाक आझाद मैदानाचेरय आंदोलन करतले अशें स्वप्नील शेर्लेकार हांणी सांगलें. शुक्रारा पणजेंत जाल्ले पत्रकार परिशदेंत ते उलयताले. ह्या वेळार गोविंद शिरोकार आनी देवीदास आमोणकार हाजीर आशिल्ले.
कारापूर सर्वच्या लोकांच्या निशेधाक इनाफ इज इनाफ हांणी पुराय तेंको दिला अशें शेर्लेकार हांणी सांगलें. थळाव्या लोकांक नाका आसले तरी ह्या गांवांत व्हड बांदकाम प्रकल्प येत आसात. हांगा जायते नेम मोडटात तरी सरकार ताचे कडेन आड नदर करता. ह्या प्रकल्पाक लागून हांगच्या पर्यावरणाचें लुकसाण जातलेंच, तशेंच हांगाचे लोकसंख्येचेंय गणित बदलतलें. ह्या प्रकल्पाक विरोध जालो ना जाल्यार चुकीचो संदेश बिल्डर लॉबीक पावतलो. गोंयांत कितेंय केलें, थळाव्याचो विरोध आसलो तरी प्रकल्प चालीक लावंक शकता असो तांचो समज आसा.
तांणी म्हणलें, हो प्रकल्प सरकारा खातीर लिटमस टॅस्ट आसा. गोंयकार खंयच्या पांवड्यार आंदोलन करतात तें सरकाराक कळपाक जाय. सरकार आनी बिल्डर लॉबीन थळाव्यांक एक सारके मानचे न्हय म्हणून हो आंदोलन गरजेचो. 13 जुलयाक दिल्लीक वचप सगळ्यांक शक्य ना, देखून आमी आझाद मैदानाचेर समांतर आंदोलन करपाचो निर्णय घेतला. ह्या आंदोलनांत गोंयकारांनी व्हड प्रमाणांत वांटो घेवन सरकाराक योग्य संदेश दिवप गरजेचें.
