परतून पेटलें

- अमेरिका-इराण झूजाक पूर्णविराम नाच, - ट्रम्प आक्रमक, इराणाक सोंपोवपाची तयारी

तेहरानः अमेरिका आनी इराण हांचेमदीं जाल्लें युद्धविराम सोंपलें. बुधवारा जाल्ल्या नाटो शिखर परिशदेंत अमेरिकेचे अध्यक्ष डोनाल्ड ट्रम्प हांणी सागलें, आयज रातीं इराणाचेर आनीक एक व्हड हल्लो करपाक शकता इराणा कडेन कसलीच कबलात करपाची इत्सा ना अशें तांणी हाचे पयलीं स्पश्ट केल्लें.

अमेरिकेन इराणा कडेन जाल्लो झूजविराम सोंपोवन शांतताय कबलात सोंपयतना होर्मुझ सामुद्रधुनींत तणाव वाडला. इराणान भारतीय टँकर परत धाडलां. इराणी सैन्यान भारतीय टँकराक होर्मुझ सामुद्रधुनी हुंपपाक परवानगी दिली ना.

हाचे आदीं मंगळारा (7 जुलय) होर्मुझांत भारतीय टँकराचेर हल्लो जाल्लो. हो टँकर भारताचे दिकेन येतालो. अमेरिकेन हालींच इराणाच्या बंदर अब्बासाचेर हल्लो केला. ताका जाप दितना इराणान बहरीन आनी कुवेतांतल्या अमेरिकेच्या लश्करी तळांचेर लक्ष्य केलां. ह्या सगळ्यांक लागून होर्मुझ सामुद्रधुनींत तणाव वाडला.

होर्मुझ सामुद्रधुनींतल्या ओमानीच्या कॉरिडोरांतल्यान वचपी भारतीय तेल टँकर फाटीं घुंवडायल्या. हो टँकर होर्मुझ सामुद्रधुनींतल्या ओमानी कॉरिडोरचो वापर करताली. तो कॉरिडोर वापरून टँकर सामुद्रधुनी हुंपपाचो यत्न करताली. इराणी लश्करी सैन्यान हाका हरकत घेतली. उपरांत टँकराक फाटीं घुंवडावाक लायलो.

24 जून दिसा ओमान आनी संयुक्त राश्ट्रांच्या दर्यावेल्या संघटणेन ओमानाचे दर्यादेगेर तात्पुरतो मार्ग जाहीर केलो. आखातांत आडखून पडपी बोटींक मजत करपा खातीर तयार केल्ल्या ह्या मार्गाचेर अमेरिकेची नदर आसा. इराणाचो इस्लामिक रिव्हॉल्युशनरी गार्ड कॉर्प (आयआरजीसी) रेडिओ संपर्कांतल्यान ओमानी कॉरिडोर वापरपी बोटीक शिटकावणी दिता. इराणान नियुक्त केल्लो ओमान कॉरिडोरचो कॉरिडोर वापरचो असो सल्लो आयआरजीसी दिता.

बिरेस्तारा सकाळीं फार्स कंपनीन होर्मुझ सामुद्रधुनी हुंपपी सगळ्या बोटीनी इराणान थारायिल्लो मार्ग वापरिल्ल्याची म्हायती दिली. ताचे आदीं मंगळारा कतारांतल्यान एलएनजी व्हरपी बोटीचेर हल्लो जाल्लो. हें तारवटी गुजरातांतल्यान येतालें. होर्मुझांतल्यान वतना बोटीचेर ड्रोनान हल्लो केलो. बोटीचेर वट्ट 29 कामगार आशिल्ले. तातूंतले 4 भारतीय आशिल्ले. हे सगळे तारवटी सुरक्षीत आसात. ड्रोन हल्ल्या उपरांत बोटीच्या इंजिन रूमांत उजो लागलो.