तियात्र सर्ती खातीर शिक्षणीक संस्थां कडल्यान अर्ज मागयल्यांत

पणजीः गोंय तियात्र अकादमीन शिक्षणीक संस्थां खातीरच्या तियात्र सर्तींत वांटो घेवपा खातीर विद्यापीठ/महाविद्यालयां /उच्च माध्यमिक शाळां कडल्यान अर्ज मागयल्यांत. ह्या सर्तींत तियात्र सादर करपाक 10 शिक्षणीक संस्थांक संदी दितले.
सर्ती खातीरचे प्रवेश अर्ज गोंय तियात्र अकादेमी, दुसरो माळो, कांपाल ट्रेड सेंटर, कांपाल पणजी गोंय हांगाच्यान मेळोवंक शकता वा http://tiatracademyofgoa.com ह्या वेबसायटी वयल्यान डावनलोड करून घेवपाक शकता.
अर्ज करपाची निमाणी तारीख 31 जुलय 2026 आसा. चड म्हायती खातीर 9158044466 ह्या फोन नंबराचेर संपर्क करचो.