भाजप सरचिटणीस बी. एल. संतोष गोंयांत
संघटणात्मक वावरा सयत वेंचणूक रणनितीचो घेतलो नियाळ
संघटणात्मक वावरा सयत वेंचणूक रणनितीचो घेतलो नियाळ
पणजी : भाजपचे राष्ट्रीय सरचिटणीस बी. एल. संतोष हांणी गोंयांक भेट दितना संघटणात्मक वावराचो नियाळ घेवपा सयत वेंचणूक रणनितीचेर चर्चा केली. मुख्यमंत्री डॉ. प्रमोद सावंत हांचे सयत प्रदेश भाजप अध्यक्ष दामू नायक हांचे कडेन तांणी चर्चा केली.
मुख्यमंत्री डॉ. प्रमोद सावंत हांचे सयत राज्यसभा खासदार सदानंद शेट तानावडे, आदले खासदार अॅड. नरेंद्र सावयकार, विनय तेंडुलकार, आदले आमदार सिद्धार्थ कंंकळ्येकार, दत्ता खोलकार आनी हेर पदाधिकारी हे वेळार हाजीर आशिल्ले.
विधानसभा वेंचणूक लागी पाविल्ल्यान राजकी घडणुकांक नेट आयला. फाटले सप्तकांत काँग्रेसीचे सरचिटणीस के. सी. वेणुगोपाल गोंयांत येवन गेले. आपाचे राष्ट्रीय निमंत्रक अरविंद केजरीवाल लेगीत गोंयांत येवन गेले. हाचे उपरांत भाजपाचे सरचिटणीस बी. एल. संतोष हांणी राज्याक भेट दिली. गट, जिल्हो अशा सगळ्या पावंड्याचेर पक्षाचे कार्य वाडोवन वेंचणुकेची तयारी करपाविशी बसकेत चर्चा जाली.
